Chami doch nid ganz vom PC loslöse...*hüstel* Irgendwie muessi doch mis erläbte glich nöime abringe. Cha zwar nid aues woni erläbt ha i de letschte Wuche ufschriebe, aber immerhin s Aktuellschte. Im momänt pflegi grad miiner Buebe doheim, chume gar nid würkli veruse, nur fürne Lüftigsspaziergang - drum hani äuä ou Zyt für mi Blog!
Näbst däm dasmer aui chli am chränkele si, het üse Umbou im Julie agfange. uiuiui, i bi jo Spezialist im mi masslos z überschätze (ig cha jo eh aues ;-)). Aber viellecht tuet üs grad das guet und es chunnt de sicher ou guet - viellecht... Lach, mir si soooooo am Afang, do hetme würkli s Gfühl, meh wird nie fertig. Es gibt unzähligi Meinige ufem Bou und irgendwie setme aus Greenhorn de en Entscheidig träffe - das isch grad mis grösste Problem!
Und usserdäm hets mou gheisse mir mache ä liechti Renovation. Auso striche u d Riemeböde abschliefe, d Fänster und d Heizig si scho iberrächnetttt, und jetz wird dämmt. üses Julie (So heimer üses Hüsli gnennt, übrigens)isch so zäge fasch füdleblut. Und nächst Wuche darfi de mou mitemne Spitzhammer ä Wand useschloh (Das nennt meh liechti Renovaion;-)). Jo das vor Front, hie no paar Biudeli (gäu, gwunderfitz). die si vo letsch Wuche mittttlerwiele isch no meh wäg.
Und heiter s Bänkli gseh????? Das isch nach dr Tapete s 2. Schönste. Aber das restaurieri erst, ähhhmmm irgendeinisch wennmer de nüm Wichtigers hei.
Ganz liebi Grüess vor Ste wo säuber gspannt isch obmers schaffe :-)
P.S.: Mi PC isch geng nonid ganz suuber, är het grad es "T"-Problem. Wenn auso öpis nid passt im Texttttt eifach es ttttt drzue oder wäg...
